ആൾറൈറ്റ്, ഗുഡ്നൈറ്റ്‌

ഇനിയുമവർ കാത്തിരിക്കുന്നു
നാൾ പത്തു കഴിഞ്ഞിട്ടും കാണാനാവാതെ
ആകാശവിഹായസ്സിൽ നിന്നും മാഞ്ഞു പോയ
ആ വ്യോമയാനത്തിൽ നിന്നുള്ള
സൂചനകൾക്കായി

കറുത്തവരും വെളുത്തവരും

സ്നേഹം പങ്കിടാൻ പോയവരും
പ്രതീക്ഷയുടെ ചിറകിലേറി പറന്നവരും
ഇന്നെവിടെ
ആഴിക്കടിയിലോ ഏതോ അഗാഥ ഗർത്തതിലോ
അജ്ഞാതമായ ഒരു ശത്രുപാളയതിലോ
അതോ ഈ വ്യോമാംബരത്തിനുമപ്പുറമോ
ആർക്കറിയാം

ആളുമര്ഥവുമൊക്കെ എത്രയെന്നാലും ആകട്ടെ

ശത്രുത വെടിഞ്ഞു രാജ്യങ്ങളോന്നായി
ഈ തിരച്ചിൽ തുടരട്ടെ
തോരാത്ത കണ്ണുനീരിനോരറുതി  വരും വരെ
 
പ്രതീക്ഷ കൈവിടില്ല നാം
ഞങ്ങളുടെ കാതിൽ മുഴങ്ങുന്നു
ആൾറൈറ്റ്, ഗുഡ്നൈറ്റ്‌ * !

വിൽസൻ അലക്സാണ്ടർ

മാർച് 18, 2014

*മലേഷ്യൻ വിമാനം MH 370 യിൽ നിന്നുള്ള അവസാനത്തെ സന്ദേശം

കൂട്ടുകാരി

 

കൂട്ടുകാരി 
==========

എനിക്കും നിനക്കുമിടയില്‍ സൌഹൃദമുണ്ട്

സൌഹൃദത്തിനപ്പുറം എനിക്ക് നിന്നോട്

മറ്റെന്തെല്ലാമോ ഉണ്ട് ...

അതില്‍ സ്നേഹമോ, കരുണയോ, ആരാധനയോ, അസൂയയോ

എനിക്കറിയില്ല

നിന്റെ കണ്ണുകളില്‍ ഞാന്‍ ഒരിക്കലും തിളക്കം കണ്ടിട്ടില്ല

ചത്ത മീനിന്റെ കണ്ണുകളിലെ ഭാവമാണ്

ചിത്രത്തില്‍ എപ്പോഴും നിന്റെ കണ്ണുകള്‍ക്ക്‌

നിന്റെ നീണ്ട എഴുത്തുകള്‍ എനിക്ക്

എത്ര വായിച്ചാലും മതിയാവില്ല

ഇത്ര ഭംഗിയുള്ളപദകൂട്ടുകള്‍ ഞാന്‍ എവിടെയും

കണ്ടിട്ടില്ല

എന്നാല്‍ നിന്റെ അക്ഷരങ്ങളുടെ വടിവ് കാണാന്‍

എനിക്ക് ഇതുവരെ കഴിഞ്ഞിട്ടില്ല

കാരണം ഞാന്‍

കാണുന്നത് അച്ചടിച്ച പുറങ്ങള്‍ ആണല്ലോ

എങ്കിലുംഎനിക്ക് നിന്നോട്

സൌഹൃദത്തിനപ്പുറം എന്തെല്ലാമോ തോന്നുന്നു

എന്റെ ഈ തോന്നലുകളൊക്കെ ഞാന്‍ നിന്നെ

എങ്ങനെ അറിയിക്കും

എന്റെ കൈയെത്താദൂരത്തുള്ള

ഗ്രന്ഥത്തിലെ കൂട്ടുകാരിയല്ലേ നീ 

വില്‍സന്‍ അലക്സാണ്ടര്‍

മാര്‍ച്ച്‌ 8, ലോക വനിതാ ദിനം

 

 

യാത്ര

യാത്ര തുടരുകയാണ്
എന്ന് തുടങ്ങിയെന്നോർമയില്ല
പോയ വഴികൾ പലതും മറന്നിരിക്കുന്നു
കൈ പിടിച്ചു കൊണ്ടുപോയവയും

എന്തിനെന്നോ ഏതിനെന്നോ
ഇനിയും നിശ്ചയമില്ല
കാഴ്ചകൾ പലതും കണ്ടു ചിലതൊക്കെ
ഓർത്തെടുക്കാനാവാത്ത വിധം മങ്ങിയിരിക്കുന്നു

എന്നാലും കുറെക്കാലം ഒപ്പം നടന്നിരുന്നവരെ 
ഞാനോർത്തിരിക്കുന്നു
പിന്നെ ഏറെനാൾ എന്റെ വഴിയിൽ
പ്രതീക്ഷയുടെ പൊൻ നിനവായ് ഒപ്പം നടന്ന
നിന്നെയും

വഴികൾ നാടുകൾ പിന്നിടുന്നു
മുഖങ്ങളും തെളിയുന്നു  മറയുന്നു
എന്റെ പാഥേയത്തിൻ പങ്കു പറ്റിയവരും
പാതി മയക്കത്തിൽ
ഒരു വാക്ക് പറയാതെ പോയവരും
ഹൃദയത്തിൽ ഇടം പിടിച്ചവരും

യാത്ര തുടരുകയാണ്
നാളേറെ കഴിഞ്ഞാലും സഖി
നമ്മുടെ വഴികൾ
ഇനിയുമെവിടെയെങ്കിലും കൂട്ടിമുട്ടാതിരിക്കില്ല
കാലത്തിന്റെ ഏതെങ്കിലൂമൊരു
നാലും കൂടിയ കവലയിൽ

---- നവംബർ 19, 2013  -----

മനസ്സറിയും യന്ത്രം

 

ആകാശത്തിന്റെ കോണിലും അതിനപ്പുറവും
ആഴിയുടെ അടിത്തട്ടിലും എന്തിനു
ലക്ഷം കോടി തരംഗവീചികൾ ഓരോ നിമിഷവും
സഞ്ചരിക്കുന്ന ഈ ഭൌമാന്തരീക്ഷതിലും
അനേകം യന്ത്രകണ്ണുകളും യന്ത്രചെവികളും

 

എന്നെ എപ്പോഴും ഉറ്റു നോക്കികൊണ്ടിരിക്കുന്നു

 ശൂന്യാകാശത്തിൽ നിന്ന്
അമേരിക്കയും റഷ്യയും ചൈനയും പിന്നെ ആരൊക്കെയോ ആര്ക്കറിയാം?

 

കൊടുങ്കാറ്റും പേമാരിയും ഭൂകമ്പവും
'ഫയലിനും' 'നാരിയും' ഇനി വരാനിക്കുന്ന ചുഴലികളും *
എന്റെ ഗണനപെട്ടിയിൽ തെളിവാർന്ന ചിത്രങ്ങളായി വരും
പ്രഭവബിന്ധുവിൽ നിന്ന് പിന്തുരടുന്ന ചാരക്കണ്ണുകൾ

 

ഇപ്പോഴിതാ വരുന്നു യന്ത്രപട്ടിയും യന്ത്രപാറ്റയും ***
ചൊവ്വയിൽ വെള്ളമുണ്ടോ? കത്തിയെരിഞ്ഞ ആണവ അന്തർവാഹിനിയിൽ
എന്റെ സോദരന്റെ അസ്ഥിക്ക് ജീവനുണ്ടോ?
ചൊക്കലെറ്റു പെട്ടിക്കുള്ളിൽ ബോംബുണ്ടോ?
ജോസഫ്‌ എങ്കൽബർഗറെ* എനിക്ക് നന്ദിയോടെ ഓർക്കാൻ ഓരോ ദിനവും

 

ഇനി വേണം മനസറിയുംയന്ത്രം
മനസ്സുകളിലേക്ക് ഇഴഞ്ഞിറങ്ങാനാവുന്ന ഒരു യന്ത്രം!

* അടുത്തയിടെയുണ്ടായചുഴലിക്കറ്റ്
** റോബോടിക്സിന്റെ പിതാവ്
***

 25 ഒക്ടോബർ 2013

കൊഡൈക്കനാലിലെക്കുള്ള ദൂരം

കൊഡൈക്കനാലിലെക്കു ഇനിയും
വളരെ ദൂരമുണ്ട്

നനുത്ത മഞ്ഞിൽ പുതച്ചു വളഞ്ഞു പുളഞ്ഞു

കിടക്കുന്ന വഴിയിലൂടെ

ക്ഷീണം വകവെക്കാതെ പതിയെ

വലിഞ്ഞു കയറുന്ന ഈ വാഹനത്തിൽ ഇരികുമ്പോൾ

പിന്നിൽ മറയുന്നു യുക്കലിപ്റ്റസും പൈൻ നിരകളും

പിന്നെ പേരറിയാത്ത ചുവപ്പും മഞ്ഞയും പൂക്കൾ മാത്രം

വിരിയുന്ന വന്മരങ്ങളും

 

ഇടയ്ക്കു താഴേക്കു നോക്കിയാൽ

എന്റെ ജീവിതത്തിന്റെ

തന്നെ ഒരു നേർക്കാഴ്ചയെന്നോണമുള്ള

ആഴത്തിലുള്ള ഗർത്തങ്ങളും

 

കോടമഞ്ഞിന്റെ പാളികളാൽ

കാഴ്ച ഇടയ്ക്കു മറയുന്നു

അല്പനെരമെങ്കിലും ചില കാഴ്ചകൾ

മറഞ്ഞിരിക്കുന്നതിനാൽ അതിനപ്പുറം ശൂന്യമെന്നും

എനിക്ക് നിനക്കാമല്ലോ

 

കൊഡൈക്കനാലിലെക്കു ഇനിയും

വളരെ ദൂരമുണ്ട്

ഇനി അഥവാ എന്റെ ദൂരത്തിന്റെ കണക്കു

അത്ര ശരിയല്ലെങ്കിലും കുഴപ്പമില്ല

 

ഞാൻ കണ്ടിട്ടുള്ള ചിത്രങ്ങിൽ

അങ്ങു കൊഡൈകുന്നുകൾ

മഞ്ഞിൻ കമ്പിളി പുതച്ചും പച്ചപ്പും

കടുംനിറമുള്ള പൂക്കളാൽ പൊതിഞ്ഞു കിടക്കുന്നുണ്ടായിരുന്നു

ചന്നം പിന്നം ചാറികൊണ്ടിരിക്കുന്ന

 

മഞ്ഞുതുള്ളികൾക്കിടയിലൂടെ

ആയിരം കുതിരകളെ പൂട്ടിയ സ്വപ്നതേരിലിരുന്നു

പായുന്ന യൌവനങ്ങളുമുണ്ടായിരുന്നു

കൊഡൈക്കനാലിലെക്കു എത്താൻ എനിക്ക്

തീരെ തിടുക്കമില്ല

സ്വപ്നങ്ങൾ കണ്ടു കണ്ടു പോകുന്ന

ഈ യാത്രക്കല്ലേ യാഥാര്ത്യത്തിന്റെ

വരച്ചു തീര്ന്ന ചിത്രങ്ങളേക്കളും ചാരുത ചാരുത?

 

വിൽസൻ അലക്സാണ്ടർ

സപ്തംബർ 24, 2013

സിച്യുവാനിലെ കുഞ്ഞ്

സിച്യുവാനിലെ കുഞ്ഞിനു

ഇപ്പോൾ അവളുടെ അപ്പൂപ്പനെ കാണണം

ഇന്നെലെയും മിനഞ്ഞാന്നും

എന്നുമൊപ്പം കളിക്കുന്ന

അപ്പൂപ്പനെ ഇന്നിത്രനെരമായിട്ടും

കാണാനില്ലല്ലോ

അമ്മയും അമ്മൂമ്മയുമൊക്കെ കണ്ണ് തുടയ്ക്കുന്നു

അപ്പൂപ്പന്റെ കമ്പിളിയും കോട്ടും

കണ്ണടയും പുസ്തകങ്ങളുമൊക്കെ

ഒരു കുഴിയിൽ ഇട്ടു മൂടുന്നു *

അപ്പൂപ്പന് സ്വസ്ഥമായി ഉറങ്ങനിനി ഇവയൊക്കെ വേണമെന്നു അമ്മൂമ്മ

സിച്യുവാനിലെ കുഞ്ഞിനു ഒന്നും തിരിയുന്നില്ല

ഒരു വലിയ താരാട്ടിൽ ഇന്നലെ

സിച്യുവാനെയാകെ ആട്ടിയുറക്കിയപ്പോൾ **

കുഞ്ഞിനു കൈവിട്ടുപോയത് അപ്പൂപ്പനും

ആട്ടുകട്ടിലും തലക്കുമീതെയുള്ള കൂരയുമാണ്

എങ്ങലടികൾകിടയിലും

സിച്യുവാനിലെ കുഞ്ഞു തിരയുന്നു

ഇനി ഉണരാത്ത ഉറക്കിത്തിലാണ്ട അപ്പൂപ്പനെ

==== വിൽസൻ സ. അലക്സാണ്ടർ ഏപ്രിൽ 29, 2013

* പ്രിയപെട്ടവർ മരിക്കുമ്പോൾ അവരുടെ പ്രിയപ്പെട്ട വസ്തുക്കൾ കൂടെ അടക്കം ചെയ്യുന്നത് ചൈനീസ് രീതിയാണ്

** സിച്യുവാനിൽ ഈ മാസം ഉണ്ടായ ഭൂകമ്പത്തിൽ അനേകർ കൊല്ലപെട്ടു ആയിരക്കണക്കിന് പേർ വഴിയാധാരമായി

കാമമർദവാഹിനി

പിന്നെയും ഒരാണിന്റെ അധമത്വം

മറ്റൊരു പെണ്‍കുഞ്ഞിനു നേരെ ഉയര്ന്നുവോ?

ആം ആദ്മിയും ആം അല്ലാത്ത ആദ്മിയുമെല്ലം

ഇന്ദ്രപ്രസ്ഥത്തിൽ ആക്രോശിക്കുന്നു

ഇന്ത്യയൊട്ടാകെ അതലയടിക്കുന്നു

ഞാൻ ഇനി എന്തുവിശ്വസിച്ച്

എന്റെ പെങ്ങളെയും ഓമന പൊന്മണികുഞ്ഞിനേയും

കണ് വെട്ടത്തുനിന്ന് മാറ്റി നിര്ത്തും

അടുത്ത വീട്ടിലെ അപ്പൂപ്പനെയോ അതോ

എന്റെ ഫ്ലാറ്റിലെ പങ്കാളിയായ എക്സിക്യൂട്ടീവ് ബാച്ചിലറെയോ

അതല്ല എന്റെ കുഞ്ഞെന്നും ടാറ്റാ പറയുന്ന

ന്യൂസ്‌ പേപ്പർ ബോയ്‌ മമാമനെയോ?

ആർക്കറിയാം ഇവരിൽ ആരൊക്കെ എന്തൊക്കെ നിരൂപിച്ചുകൂട്ടുന്നുവെന്നു

ഇനിയെങ്കിലും നമുക്കീ കപടസദാചാരത്തിന്റെ

മുഖംമൂടി അഴിച്ചു വെക്കാം

കാലതിനോത്തോരു കോലം തീർക്കം

നടോട്ടകെ ഉയരട്ടെ ആധുനീക രാജനീഷുമാരുടെ ആശ്രമങ്ങൾ

സന്മാര്ഗവും വേദാന്തവും മോക്ഷവുമൊക്കെ

മനസിലാകാൻ ബുദ്ധി തടസാമാവുന്നവര്ക്ക്

സ്വാഗതമേകുന്ന ശാന്തികൂടരങ്ങളായി!

കാമമർദം നിറഞ്ഞു പൊട്ടിത്തെറിക്കാനിരിക്കുന്ന

കുറെ ജന്മങ്ങൾക്ക് ഹോമിക്കനിനി ഇവിടെ

ഒരു പെണ്കുഞ്ഞിനും വിധിയുണ്ടാകതിരിക്കട്ടെ!



------ വിൽസൻ സ. അലക്സാണ്ടർ, ഏപ്രിൽ 25, 2013