നീ ഇനി എന്ന് വരും ?

നീ ഇനി എന്ന് വരും ?

തുലാ മാസത്തിലെ ഈർപ്പമുള്ള പകൽ,
നീ എത്ര പ്രസന്നവതിയായിരിക്കുന്നു

...

എന്നും ഇരുൾ വീഴും വഴി മാത്രം കാണാൻ
വിധിക്കപെട്ട ഞാനിന്നു കൺനിറയെ
എന്റെ നടവഴിയിലൊക്കെ
പ്രകാശം പരന്നത് കാണുന്നു

കരകാണാതൊടുന്ന എന്റെ ജീവിത യാനം
ഇന്ന് അല്പമൊന്നു വിശ്രമിക്കട്ടെ
എന്റെ കുരുന്നുകളുടെ സ്നേഹം ഞാനിന്നു
ആവോളം നുകരട്ടെ

ആഭ്യന്തര വളർച്ച നിരക്കിടിവോ
ആഗോള എണ്ണ വിലയോ എന്തോ ആകട്ടെ

ഈ വിദ്യ പഠിപ്പിച്ച മഹാത്മാവേ നന്ദി
'ഹർത്താൽ' ദിനമേ നീ ഇനി എന്ന് വരും ?

-- അലക്‌സാണ്ടർ വിത്സൺ, ഒക്ടോബറിലെ ഒരു ഹർത്താൽ ദിനം