2013, ഒക്‌ടോബർ 25, വെള്ളിയാഴ്‌ച

മനസ്സറിയും യന്ത്രം

 
ആകാശത്തിന്റെ കോണിലും അതിനപ്പുറവും
ആഴിയുടെ അടിത്തട്ടിലും എന്തിനു
ലക്ഷം കോടി തരംഗവീചികൾ ഓരോ നിമിഷവും
സഞ്ചരിക്കുന്ന ഈ ഭൌമാന്തരീക്ഷതിലും
അനേകം യന്ത്രകണ്ണുകളും യന്ത്രചെവികളും
 
എന്നെ എപ്പോഴും ഉറ്റു നോക്കികൊണ്ടിരിക്കുന്നു
 ശൂന്യാകാശത്തിൽ നിന്ന്
അമേരിക്കയും റഷ്യയും ചൈനയും പിന്നെ ആരൊക്കെയോ ആര്ക്കറിയാം?
 
കൊടുങ്കാറ്റും പേമാരിയും ഭൂകമ്പവും
'ഫയലിനും' 'നാരിയും' ഇനി വരാനിക്കുന്ന ചുഴലികളും *
എന്റെ ഗണനപെട്ടിയിൽ തെളിവാർന്ന ചിത്രങ്ങളായി വരും
പ്രഭവബിന്ധുവിൽ നിന്ന് പിന്തുരടുന്ന ചാരക്കണ്ണുകൾ
 
ഇപ്പോഴിതാ വരുന്നു യന്ത്രപട്ടിയും യന്ത്രപാറ്റയും ***
ചൊവ്വയിൽ വെള്ളമുണ്ടോ? കത്തിയെരിഞ്ഞ ആണവ അന്തർവാഹിനിയിൽ
എന്റെ സോദരന്റെ അസ്ഥിക്ക് ജീവനുണ്ടോ?
ചൊക്കലെറ്റു പെട്ടിക്കുള്ളിൽ ബോംബുണ്ടോ?
ജോസഫ്‌ എങ്കൽബർഗറെ* എനിക്ക് നന്ദിയോടെ ഓർക്കാൻ ഓരോ ദിനവും
 
ഇനി വേണം മനസറിയുംയന്ത്രം
മനസ്സുകളിലേക്ക് ഇഴഞ്ഞിറങ്ങാനാവുന്ന ഒരു യന്ത്രം!

* അടുത്തയിടെയുണ്ടായചുഴലിക്കറ്റ്
** റോബോടിക്സിന്റെ പിതാവ്
***
 25 ഒക്ടോബർ 2013

കൊഡൈക്കനാലിലെക്കുള്ള ദൂരം

കൊഡൈക്കനാലിലെക്കു ഇനിയും
വളരെ ദൂരമുണ്ട്
നനുത്ത മഞ്ഞിൽ പുതച്ചു വളഞ്ഞു പുളഞ്ഞു
കിടക്കുന്ന വഴിയിലൂടെ
ക്ഷീണം വകവെക്കാതെ പതിയെ
വലിഞ്ഞു കയറുന്ന ഈ വാഹനത്തിൽ ഇരികുമ്പോൾ
പിന്നിൽ മറയുന്നു യുക്കലിപ്റ്റസും പൈൻ നിരകളും
പിന്നെ പേരറിയാത്ത ചുവപ്പും മഞ്ഞയും പൂക്കൾ മാത്രം
വിരിയുന്ന വന്മരങ്ങളും
 
ഇടയ്ക്കു താഴേക്കു നോക്കിയാൽ
എന്റെ ജീവിതത്തിന്റെ
തന്നെ ഒരു നേർക്കാഴ്ചയെന്നോണമുള്ള
ആഴത്തിലുള്ള ഗർത്തങ്ങളും

 
കോടമഞ്ഞിന്റെ പാളികളാൽ
കാഴ്ച ഇടയ്ക്കു മറയുന്നു
അല്പനെരമെങ്കിലും ചില കാഴ്ചകൾ
മറഞ്ഞിരിക്കുന്നതിനാൽ അതിനപ്പുറം ശൂന്യമെന്നും
എനിക്ക് നിനക്കാമല്ലോ
 
കൊഡൈക്കനാലിലെക്കു ഇനിയും
വളരെ ദൂരമുണ്ട്
ഇനി അഥവാ എന്റെ ദൂരത്തിന്റെ കണക്കു
അത്ര ശരിയല്ലെങ്കിലും കുഴപ്പമില്ല
 
ഞാൻ കണ്ടിട്ടുള്ള ചിത്രങ്ങിൽ
അങ്ങു കൊഡൈകുന്നുകൾ
മഞ്ഞിൻ കമ്പിളി പുതച്ചും പച്ചപ്പും
കടുംനിറമുള്ള പൂക്കളാൽ പൊതിഞ്ഞു കിടക്കുന്നുണ്ടായിരുന്നു
ചന്നം പിന്നം ചാറികൊണ്ടിരിക്കുന്ന
 
മഞ്ഞുതുള്ളികൾക്കിടയിലൂടെ
ആയിരം കുതിരകളെ പൂട്ടിയ സ്വപ്നതേരിലിരുന്നു
പായുന്ന യൌവനങ്ങളുമുണ്ടായിരുന്നു
കൊഡൈക്കനാലിലെക്കു എത്താൻ എനിക്ക്
തീരെ തിടുക്കമില്ല

സ്വപ്നങ്ങൾ കണ്ടു കണ്ടു പോകുന്ന
ഈ യാത്രക്കല്ലേ യാഥാര്ത്യത്തിന്റെ
വരച്ചു തീര്ന്ന ചിത്രങ്ങളേക്കളും ചാരുത ചാരുത?
 
വിൽസൻ അലക്സാണ്ടർ

സപ്തംബർ 24, 2013

സിച്യുവാനിലെ കുഞ്ഞ്

സിച്യുവാനിലെ കുഞ്ഞിനു

ഇപ്പോൾ അവളുടെ അപ്പൂപ്പനെ കാണണം

ഇന്നെലെയും മിനഞ്ഞാന്നും

എന്നുമൊപ്പം കളിക്കുന്ന

അപ്പൂപ്പനെ ഇന്നിത്രനെരമായിട്ടും

കാണാനില്ലല്ലോ

അമ്മയും അമ്മൂമ്മയുമൊക്കെ കണ്ണ് തുടയ്ക്കുന്നു

അപ്പൂപ്പന്റെ കമ്പിളിയും കോട്ടും

കണ്ണടയും പുസ്തകങ്ങളുമൊക്കെ

ഒരു കുഴിയിൽ ഇട്ടു മൂടുന്നു *

അപ്പൂപ്പന് സ്വസ്ഥമായി ഉറങ്ങനിനി ഇവയൊക്കെ വേണമെന്നു അമ്മൂമ്മ

സിച്യുവാനിലെ കുഞ്ഞിനു ഒന്നും തിരിയുന്നില്ല

ഒരു വലിയ താരാട്ടിൽ ഇന്നലെ

സിച്യുവാനെയാകെ ആട്ടിയുറക്കിയപ്പോൾ **

കുഞ്ഞിനു കൈവിട്ടുപോയത് അപ്പൂപ്പനും

ആട്ടുകട്ടിലും തലക്കുമീതെയുള്ള കൂരയുമാണ്

എങ്ങലടികൾകിടയിലും

സിച്യുവാനിലെ കുഞ്ഞു തിരയുന്നു

ഇനി ഉണരാത്ത ഉറക്കിത്തിലാണ്ട അപ്പൂപ്പനെ

==== വിൽസൻ സ. അലക്സാണ്ടർ ഏപ്രിൽ 29, 2013

* പ്രിയപെട്ടവർ മരിക്കുമ്പോൾ അവരുടെ പ്രിയപ്പെട്ട വസ്തുക്കൾ കൂടെ അടക്കം ചെയ്യുന്നത് ചൈനീസ് രീതിയാണ്

** സിച്യുവാനിൽ ഈ മാസം ഉണ്ടായ ഭൂകമ്പത്തിൽ അനേകർ കൊല്ലപെട്ടു ആയിരക്കണക്കിന് പേർ വഴിയാധാരമായി

കാമമർദവാഹിനി

പിന്നെയും ഒരാണിന്റെ അധമത്വം

മറ്റൊരു പെണ്‍കുഞ്ഞിനു നേരെ ഉയര്ന്നുവോ?

ആം ആദ്മിയും ആം അല്ലാത്ത ആദ്മിയുമെല്ലം

ഇന്ദ്രപ്രസ്ഥത്തിൽ ആക്രോശിക്കുന്നു

ഇന്ത്യയൊട്ടാകെ അതലയടിക്കുന്നു

ഞാൻ ഇനി എന്തുവിശ്വസിച്ച്

എന്റെ പെങ്ങളെയും ഓമന പൊന്മണികുഞ്ഞിനേയും

കണ് വെട്ടത്തുനിന്ന് മാറ്റി നിര്ത്തും

അടുത്ത വീട്ടിലെ അപ്പൂപ്പനെയോ അതോ

എന്റെ ഫ്ലാറ്റിലെ പങ്കാളിയായ എക്സിക്യൂട്ടീവ് ബാച്ചിലറെയോ

അതല്ല എന്റെ കുഞ്ഞെന്നും ടാറ്റാ പറയുന്ന

ന്യൂസ്‌ പേപ്പർ ബോയ്‌ മമാമനെയോ?

ആർക്കറിയാം ഇവരിൽ ആരൊക്കെ എന്തൊക്കെ നിരൂപിച്ചുകൂട്ടുന്നുവെന്നു

ഇനിയെങ്കിലും നമുക്കീ കപടസദാചാരത്തിന്റെ

മുഖംമൂടി അഴിച്ചു വെക്കാം

കാലതിനോത്തോരു കോലം തീർക്കം

നടോട്ടകെ ഉയരട്ടെ ആധുനീക രാജനീഷുമാരുടെ ആശ്രമങ്ങൾ

സന്മാര്ഗവും വേദാന്തവും മോക്ഷവുമൊക്കെ

മനസിലാകാൻ ബുദ്ധി തടസാമാവുന്നവര്ക്ക്

സ്വാഗതമേകുന്ന ശാന്തികൂടരങ്ങളായി!

കാമമർദം നിറഞ്ഞു പൊട്ടിത്തെറിക്കാനിരിക്കുന്ന

കുറെ ജന്മങ്ങൾക്ക് ഹോമിക്കനിനി ഇവിടെ

ഒരു പെണ്കുഞ്ഞിനും വിധിയുണ്ടാകതിരിക്കട്ടെ!



------ വിൽസൻ സ. അലക്സാണ്ടർ, ഏപ്രിൽ 25, 2013

സ്നേഹം - ഇപ്പോൾ വില എങ്ങിനെ?

തണുത്തു വിറങ്ങലിച്ച കുടകിലെ കാപ്പിതോട്ടങ്ങളിൽ നിന്ന്

കഫെ കോഫി ഡേയിൽ എത്തുന്ന സ്നേഹത്തിനു

എഴുപത്തഞ്ചു രൂപ

പ്രണയം നിറച്ചു വിളമ്പിയ ബാസ്കിൻ റോബിന്സ് ലെ

നിറങ്ങൾ അണിയിച്ച ഐസ് ക്രീമ്നു

നൂറ്റി ഇരുപത്തഞ്ചു രൂപ മാത്രം

മൾട്ടിപ്ലെക്സിലെ ഇരുട്ടിൽ സ്നേഹത്തിനു

വില മുന്നൂറു കവിയും

പിസ്സ ഹട്ടിലും മക് ഡോണാഡിലും

ശകാഹാരിയായ സ്നേഹത്തിനു വില ആയിരത്തിലേറെ

പിന്നെ എപ്പൊഴൊ കണക്ക് പറയാതെ പിരിഞ്ഞു പോകുമ്പോൾ

പലവക കള്ളിയിൽ സ്നേഹം കുറെ അക്കങ്ങളിൽ മാത്രം

ഒരിക്കൽ ചായയും വടയും സ്വപ്നങ്ങളും പങ്കു വെച്ച്

പറയാൻ വാക്കുകൾ ബാക്കി വെച്ച്

കിനാവിൽ പൂമ്പാറ്റകൾക്കൊപ്പം പറന്നു

മഞ്ഞും മഴയും കൊണ്ട്

സ്നേഹത്തെ നാളുകളോളം

ഹൃദയത്തിന്റെ ചന്ദന ചെപ്പിലോളിപ്പിച്ചു നടന്നിരുന്ന

എന്റെ സ്നേഹത്തിനു നീ എന്ത് വിലയിടും?

*************************

വിൽസൻ അലക്സാണ്ടർ

മാർച്ച്‌ 26, 2013

എന്റെ മതം

എന്റെ മതം കോണ്‍ഗ്രസ്‌

നിനക്ക് മതമില്ല പക്ഷെ
ചെങ്കൊടി കണ്ടാല്‍ രോമാന്ചഅമുണ്ടാകും

നിനക്കും മതമില്ല പക്ഷെ
കാവി പുതച്ചേ നടക്കൂ
എന്നും മോഡിയെ സ്വപ്നം കാണും

നിനക്ക് പണ്ടേ മതമില്ല പക്ഷെ
പാക്കിസ്ഥാന്‍ ക്രിക്കറ്റുകളി ജയിച്ചാല്‍
എല്ലാവര്ക്കും പച്ച ജിലേബി

എന്റെ മതം കോണ്‍ഗ്രസ്‌
ഇവിടെ ജീവിക്കാന്‍ എനിക്കും ഒരു മതം വേണ്ടേ?

ഞാൻ

ഇവിടെ എല്ലാവരും എനിക്കെതിരെ ചിന്തിക്കുന്നു

എന്റെ കസേരയില്‍ നോട്ടമിട്ടിരുന്നു

എന്നെ അസ്ഥിരപെടുത്തന്‍ തക്കം പാര്‍ത്തിരിക്കുന്നു

ഗൂഡതന്ത്രങ്ങള്‍ മെനയുന്നു

ഞാന്‍ ജാഗരൂകന്നായിരിക്കേണം

സദ്ദംമും ഗദാഫിയും മുബാറക്കും പോയി

ഇനി ഒരു ബഷര്‍ അല്‍ ആസാദും ഞാനും മാത്രം

എന്റെ ശക്തി ഞാന്‍ കാണിച്ചുകൊടുക്കും

ഞാന്‍ ആരാണ് എന്ന് അവര്‍ക്കറിയില്ലല്ലോ ?

ഞങ്ങള്‍ തവളകള്ക്കിടയിലും മുല്ലപൂവിപ്ലവമോ?

പ്രണയത്തിന്റെ നിയമങ്ങള്‍

               പ്രണയത്തിനും സൌഹൃദത്തിനും

പൊതുവെ ചില നിയമങ്ങളുണ്ട്
വിത്തിട്ടു വളമിട്ടു വെള്ളമിറ്റിച്ചു
വളച്ചുകെട്ടി നാമ്പിടുമ്പോള്‍
കത്തുന്ന ചൂടില്‍ വാടി പോകാതെ


തണലായിമാറനുമുളള നിയമങ്ങള്‍
മൊട്ടിട്ടു തുടങ്ങുമ്പോഴും
പിന്നെ പൂവായി വിരിയുമ്പോഴും
തീരാത്ത ചില നിയമങ്ങള്‍
 
നിഴലായി കൂടെ നില്ക്കാനും
കളവുപറയാത്ത കണ്ണാടിയായി മാറിയും
പരസ്പരം താങ്ങിയും പാതിവഴിയില്‍
കളയാതെ നോക്കാനുമുള്ള നിയമങ്ങള്‍


സ്വയം കത്തിനിന്നു വെളിച്ചമേകാനും
എണ്ണ തീരാതെ നോക്കാനും
കരിഞ്ഞു തീര്‍ന്ന തിരി മാറ്റി
കനിവേറും സ്നേഹത്തില്‍ ‍ തീര്‍ത്ത
തിരിയിട്ട് കാലത്തെ നോക്കി വെല്ലുവിളിച്ചു നില്‍ക്കാനുമുള്ള
നിയമങ്ങള്‍


നിയമങ്ങളൊന്നുമില്ലാത്ത സമയംകൊല്ലി പ്രണയത്തിനു
എന്തിനൊരു ദിനം ചാര്‍ത്തി കൊടുക്കണം
പ്രണയത്തിനും നല്ല സൌഹൃദത്തിനും
ഇങ്ങനെ കുറെ നിയമങ്ങളുള്ളപ്പോള്‍ ?
 
****** വിത്സണ്‍ അലക്സാണ്ടര്‍ - 2013 ലെ പ്രണയ ദിനം *****