പ്രണയത്തിനും സൌഹൃദത്തിനും
പൊതുവെ ചില നിയമങ്ങളുണ്ട്
വിത്തിട്ടു വളമിട്ടു വെള്ളമിറ്റിച്ചു
വളച്ചുകെട്ടി നാമ്പിടുമ്പോള്‍
കത്തുന്ന ചൂടില്‍ വാടി പോകാതെ
തണലായിമാറനുമുളള നിയമങ്ങള്‍
മൊട്ടിട്ടു തുടങ്ങുമ്പോഴും
പിന്നെ പൂവായി വിരിയുമ്പോഴും
തീരാത്ത ചില നിയമങ്ങള്‍
നിഴലായി കൂടെ നില്ക്കാനും
കളവുപറയാത്ത കണ്ണാടിയായി മാറിയും
പരസ്പരം താങ്ങിയും പാതിവഴിയില്‍
കളയാതെ നോക്കാനുമുള്ള നിയമങ്ങള്‍
സ്വയം കത്തിനിന്നു വെളിച്ചമേകാനും
എണ്ണ തീരാതെ നോക്കാനും
കരിഞ്ഞു തീര്‍ന്ന തിരി മാറ്റി
കനിവേറും സ്നേഹത്തില്‍ തീര്‍ത്ത
തിരിയിട്ട് കാലത്തെ നോക്കി വെല്ലുവിളിച്ചു നില്‍ക്കാനുമുള്ള
നിയമങ്ങള്‍
നിയമങ്ങളൊന്നുമില്ലാത്ത സമയംകൊല്ലി പ്രണയത്തിനു
എന്തിനൊരു ദിനം ചാര്‍ത്തി കൊടുക്കണം
പ്രണയത്തിനും നല്ല സൌഹൃദത്തിനും
ഇങ്ങനെ കുറെ നിയമങ്ങളുള്ളപ്പോള്‍ ?
****** വിത്സണ്‍ അലക്സാണ്ടര്‍ - 2013 ലെ പ്രണയ ദിനം *****
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ